கஷ்டப்பட்டு சிரிப்பு பயிற்சி செய்பவர்கள்
எல்லோரையும் எளிதாய் சிரிக்க வைத்து விடுகின்றனர்
மெரினாவில் ...

*

 தனியே சிரிப்பவன்
இதயத்திலிருந்து சிரிக்கிறான் !

*

 தென்றலின் வாசத்தை
செங்கல்பட்டை தாண்டியதும் உணர்கிறார்
கூவம் வாசி !
*

 அடித்து சாத்தினால்
அமைதியாகிறார்..
ஷேர் ஆட்டோ ட்ரைவர் !
*

 பொருள் இருக்கும்
எடைத் தட்டை தாழ்த்தி
விலையில் சரி செய்துவிடுகிறார்
வியாபாரி !
*

 வாடாமல்லி பூப்பது இல்லை
அதனாலோ என்னவோ மனப்பதும் இல்லை !
*

 முதல் தளத்தில் இழவு
மூன்றாம் தளத்தில் முகூர்த்தம்
அடுக்குமாடி குடியிருப்பு !

*

இந்திய நதிகள்
இணைக்கப்படுகிறது.
ஒவ்வொறு தேர்தலின் போதும் !

*

சாதி சங்க மாநாடு
உணர்ச்சிப் பிழம்பாய் பேசினான்.
அந்த சே குவேரா டீ சர்ட் போட்ட இளைஞன்.

*

தெரிந்தே அடைகாத்தது
குயிலின் முட்டையை காகம்.

*

பசியால் மரித்துப்போன கவிஞரின் பெயரில்
“வளர்முகக் கவிஞர் விருது !”

*

தீ வைத்தும்
சிரிக்கிறது மெழுகுவர்த்தி !

*

புல்லாங்குழல் விற்பவன் ஊதினான்
தன் பசியையும் சேர்த்து !
*

     

*

செய்யப் போகும் கொலைக்கு
முன் கூட்டியே தண்டனை
ஒற்றைக் காலில் கொக்கு !
**
~ மன்னை முத்துக்குமார்.

பலத்த மழை
விளைந்த பயிர்
வீண் !
*
-மன்னை முத்துக்குமார்.

*

அதிகாலை எழுந்து
வண்ணக் கோலம் போட்டாள் .
மின்னல் இடியுடன் மழை !
*

-மன்னை முத்துக்குமார்

 *

குருட்டுப் பிச்சைக்காரனின்
பிச்சையோட்டில் தட தட சத்தம்
ஆலங்கட்டி மழை
**

-மன்னை முத்துக்குமார்.